Доколку сте бизнисмен или претприемач овој блог пост ќе ве води низ постапката и цена на чинење за заштита на трговска марка во Република Македонија.
Брендот на компанијата не е само лого или привлечен слоган. Тоа е ветување за квалитет, знак на доверба и значајна компонента на идентитетот на компанијата.
Во срцето на идентитетот на секој бренд е она што ние го нарекуваме „трговска марка“ или „заштитен знак“.
Во суштина, трговската марка е единствен симбол, збор, фраза, лого или нивна комбинација што ги идентификува и разликува стоките или услугите на бизнисот од оние на другите.
Сега, замислете да потрошите време, енергија и ресурси за да изградите реномирана марка, само за да најдете друг ентитет кој ја копира или имитира вашата трговска марка.
Или, уште полошо сценарио. Како на локално, така и на регионално постојат брендови со исто или слично име и лого. Замислете судски спор за недозволено користење на трговска марка или бренд за кој воопшто не сте биле свесни дека постои.
Тука доаѓа до израз важноста на заштитата на трговската марка.
Исто како што бизнисот би ги заштитил своите физички средства, интелектуалната страна на бизнисот, исто така бара заштита.
Заштитата на трговската марка е гаранција за идентитетот на брендот. Ги отфрла потенцијалните имитатори и е гарант на ексклузивно користење на името и логото на брендот.
Постојат два вида на трошоци кога е во прашање заштитата на трговска марка.
Првиот е за самата постапка, а другиот се потенцијални трошоци во вид на парични и нематеријални загуби од незаштитена трговска марка.
Досегашните искуства покажуваат дека вториот вид на трошоци заслужува поголемо внимание, па затоа ке започнеме од таму.
Во продолжение детално ќе ја објаснеме постапката и цената за заштита на трговска марка.
Кои се трошоците ако брендот не е заштитен
Доколку вашиот бренд не е заштитен во соодветна институција за заштита на интелектуална сопственост, може да се соочите како со парични, така и со нематеријални трошоци.
Губење на ексклузивните права
Без соодветна заштита, може да го изгубите ексклузивното право да ја користите вашата трговска марка.
Тоа значи дека другите субјекти можат да го користат без никакви правни последици. Во случај другиот субјект да ја заштити пред вас, во целост го губите правото за користење на трговската марка.
Скапи правни битки
Од правен аспект, постојат две сценарија. И двете се реални и можат да бидат скапа авантура!
Првото е ако одлучите да преземете правна постапка откако ќе се случи повреда на вашата трговска марка. Тоа повлекува големи правни такси и долга и скапа судска битка.
Второто е ако некој пред вас ја заштити вашата трговска марка и поведе судски спор против вас за повреда на трговска марка. Судскиот спор (такси и адвокати) и оштетата за повреда на трговската марка може да бидат астрономски.
Често е поисплатливо да се заштити трговската марка проактивно отколку да се решаваат прекршувањата откако ќе се случат.
Трошоци за ребрендирање
Ако не ја заштитите вашата трговска марка и друг ентитет воспостави ексклузивни права за неа, ќе треба законски да го промените идентитетот на вашиот бренд.
Ребрендирањето може да биде скапо и одзема многу време. Тоа би вклучувало промена на име, лого, пакување, веб-страници и многу повеќе.
Финансиски загуби
Може да изгубите приход поради фалсификувани производи или услуги кои ги одземаат вашите потенцијални клиенти.
Конфузија на брендот
Ако другите бизниси користат ознака слична на вашата, тоа може да доведе до конфузија на пазарот. Клиентите може да помешаат друг производ или услуга со вашиот. Тоа негативно ќе влијае врз идентитетот и вредноста на вашиот бренд.
Губење на деловни можности
Заштитен бренд може да биде лиценциран, франшизиран или да се користи во соработка со други субјекти. Без заштита, овие можности се скоро невозможни.
Губење на репутацијата
Ако друга компанија користи ознака слична на вашата и обезбедува пониски производи или услуги, тоа може да му наштети на репутацијата на вашиот бренд. Клиентите може да ги поврзат тие негативни искуства со вашиот бренд, дури и ако вие не сте одговорни.
Постапка за заштита на трговска марка
Првиот чекор е да пополните образецот за пријавување на трговска марка.
Во овој образец, ќе треба да се прикачи знакот кој сакате да го заштитите, заедно со списокот на стоки и услуги за кои се бара заштита. Исто така, ќе треба да ги наведете податоците за подносителот, кој може да биде физичко или правно лице.
Формално разгледување на пријавата
Секое комплетирано барање се прима и формално се разгледува од страна на соодветните служби во Заводот.
Тоа се прави со цел да се констатира дека барањето е комплетно (дали полномошно е издадено во случаите кога застапник е задолжителен, доказ дека се платени административните такси итн).
Заводот потоа ги испитува условите за одобрување на регистрација на трговска марка.
Детално разгледување и истражување
Откако ќе се утврди дека апликацијата за регистрација на трговска марка е комплетна, ДЗИС пристапува кон детално разгледување на истата.
Во оваа фаза, ДЗИС констатира дали постојат услови за одбивање на барањето за регистрација на трговска марка.
Постојат повеќе основи по кои барањето за регистрација на трговска марка може да биде одбиено:
- Ако е нелегалнa или е спротивнa на стандардите на заедницата или локалните вредности, трговската марка не може да се регистрира;
- Заштитните знаци треба да бидат визуелно прикажани. Ако не може да се прикаже графички, трговската марка не е подобна за регистрација;
- Ако вашата трговска марка нема единствен елемент или не е оригинална, таа нема да може да се регистрира;
- Трговската марка не може да се регистрира ако само го опишува видот на производот или услугата што ги претставува;
- Најчесто користените зборови или симболи кои веќе се поврзани со одредени производи или услуги не можат да бидат заштитени;
- Трговската марка не смее да доведе до заблуда или да предизвика забуна, особено за потеклото, природата, квалитетот и другите карактеристики на производот или услугата;
- Заштитната трговска марка не смее да вклучува име на земја или јавен симбол (знаме, амблем, грб, кратенка или нешто слично), без одобрение од релевантните органи;
- Ако трговската марка користи слика или име на позната личност без негова дозвола, таа не може да се регистрира. Ако лицето повеќе не е живо, мора да добие дозвола од соодветна владина агенција;
- Заштитните знаци не можат да вклучуваат религиозни симболи или нешто слично на нив.
Објавување на апликацијата во Службен весник
Откако Заводот ќе потврди дека нема цврста причина да ја одбиете вашата апликација за трговска марка, таа ќе биде наведена во Официјалниот билтен на ДЗИС. Овој оглас трае 90 дена.
Во овој период, секој што има загриженост за вашата трговска марка може да ги изрази своите приговори.
Тие можат да достават причини и докази до Заводот зошто вашата апликација за трговска марка не треба да биде одобрена.
Регистрација на трговска марка во официјалниот регистер
Откако ќе се утврди дека нема основи за одбивање, трговската марка се регистрира и се издава потврда за регистрација.
Сертификатот е валиден 10 години. Регистрациите може да се обновуваат на неодредено време со плаќање на такса за обновување.
Цена за заштита на трговска марка
Цената за заштита на трговска марка опфаќа два дела.
Првиот е надомест за овластениот (лиценциран) субјект кој што ја води постапката за заштита. Цената за спроведување на постапката варира и се движи од 400 до 600 ЕУР.
Вториот дел е за самата постапка, односно:
- Такса за стекнување и одржување на правото на трговска марка во износ од 16.000,00 денари
- Трошоци за објавување на податоците за признаена трговска марка во износ од 2.920,00 денари
- Трошок за првична пријава во износ од 480,00 денари.
Според ова, вкупната цена за заштита на трговска марка би ве чинела од 750ЕУР до 900ЕУР.
Заклучок
Слично како и многу аспекти во бизнисот, проактивниот пристап во заштитата на вашата трговска марка може да ги спречи потенцијалните предизвици, правните последици и потенцијалните загуби.
Реагирањето откако веќе се случило прекршување не само што може да биде скапо, туку понекогаш може да биде невозможно.
Оттука, бизнисите мора да ја гледаат заштитата на трговската марка не како трошок, туку како инвестиција во долговечноста и репутацијата на нивниот бренд.
Доколку се одлучите да ја заштитите или ви треба водство, увид или помош при вашето патување, потпрете се на искусен тим од професионалци. Контактирајте не и дозволете нашите експерти да ве водат чекор по чекор кон сигурна иднина на вашиот бренд.
